الحب إحساس جميل محدش يقدر ينكر ده
و أقصد بيه الحب بين الرجل والمرأة
و ديننا أمرنا بده
طبعا أقصد هنا حب الزوجين
أمر إن الزوجين يتوددا لبعضهما البعض بشتى وسائل الحب ليقيما المودة و الرحمة بينهما
والحب مهما حاولتي تحصليه عمرك ما هتستشعريه إلا بما أحله الله
بالزواج وفقط
أما ما دونه فما هو إلا مرض يلقيه الله على قلبك يسكرك في أوله ثم يميتك في آخره
تماما كالمخدرات
مقدرش أنكر إن الحب حتى لو كان حرام بيبقى ليه لذة و بيشيع في القلب سعادة
ده لأن كل معصية كده
ليها لذة بيفتن بيها الناس
لكن الفرق إن لذتها زائلة لأنك بتجازي عليها بالعقوبة، و إن لذتها ملهاش ثمرة وإنها بتزيدك عطش مش بترويكي
على عكس الطاااااعة خالص
يعني اللي بدور على الحب عالنت
إو في الفيس، أو عالشات أو حتى في الجامعة و النادي
و بتحاول تعرف ده و تعرف ده و تطلق لنفسها و قلبها العنان إنه يجرب
و يقرب منه أي حد لعل وعسى يكون هو ده المنتظر
فالحب مش هيجي من هنا
بل هيجي من هنا
(سجدة طويلة على الأرض تحطي فيها كل أحلامك
تكلمي فيها ربك تقوليلي و تطلبي منه من غير كسوف
يارب ارزقني زوج يحبني و أحبه و تعفني بيه عن أي حب تاني حرام ممكن يقطع بيني و بينك و تكتب بيه عليا النار)
الحب بيجي من هنا
و بيجي حلال فبيبقى طعمه مختلف
ويبقى الحب حبين
حب الله اللي معصتيهوش
و حب الزوج اللي ربنا هيبارك حياتك معاك جزاءا ليكي على طاعتك ليه
أما الناس بقى اللي ضاقت من الحب (الحرام) و تركته لله
فهؤلاء فيما أظن هم أحباب الله
الذين آثروا مراده على مراد أنفسهم
و آثاروا نار سجن الطاعة على نار القيامة
فإثبتوا و تثبتوا و جاهدوا و ادعوا
واعلموا أن الله شكور و ما فعلتم من خير ستجدوه عنده
عاجلا و آجلا
ودايما خلي ظنك بربك إنه هيكون كريم و هيرزقك
و ربنا عن ظنه عبده بيه
فظني به ما شئتي
و الكلام ده مش للبنات بس للإخوة كمان
ربنا يجملنا جميعا بالعفة
0 التعليقات:
لا تنسى ان تترك تعليقا..فبكلمة طيبة منك او نصيحة مهذبة قد تغير مسار حياة كاملة