باختصار .. هذه كلمات أكتبها لفئة معينة من الفتيات
وهي فئة من لم تتزوج بعد
لكن ليس لكل هذه الفئة أوجه الكلام .. بل لبعض منهن تحديدا
أو بمعنى أصح لأغلبهن وللأسف
وهي الطائفة المتلهفة على الزواج من الفتيات ، الفئة التي ترى في الزوج والزواج الحل السحري لكل مشاكل الكرة الأرضية
الفئة التي تظن أن الهم والحزن والوحدة ستنتهي بمجرد أن تتزوج ..
وأن السعادة الدائمة
وأن السعادة الدائمة
والحب الخالد لن يكونا في الدنيا أبدا إلا بالزواج
الفئة التي تنتظر الزوج لتنتقل لحياة أفضل، بيئة أفضل ، مستوى مادي أفضل
وكأن الحياة بمجرد الزواج ستتحول للأفضل والأفضل فقط
الفئة التي غالبا وللأسف تصدم بعد الزواج صدمة عنيفة جدا نتيجة الجهل بطبيعة الواقع
هذه الفئة تعلم نفسها جيدا ولها أوجه هذه الرسالة
فاستوعبي ما فيها جيدا
فهي ليست كلمات مجردة .. بل هي نتاج تجربة عملية واقعية حية
إن شئتِ سميها "اكتشافات ما بعد الزواج"
فهو اسم مناسب جدا
إن شئتِ سميها "اكتشافات ما بعد الزواج"
فهو اسم مناسب جدا
وسأجعل لغتي سلسلة سهلة لتصل للجميع إن شاء الله
وسأجعلها في نقاط مرقمة حتى يسهل استيعابها
فدعيني أسرد عليكِ الواقع : )
وسأجعلها في نقاط مرقمة حتى يسهل استيعابها
فدعيني أسرد عليكِ الواقع : )
..
للأسف كثيرات متلهفات جدا جدا جدا على الزواج وخايفين من تأخره من دون حسبان لمعنى كلمة "زواج"
من دون تفكر في نتائجها والتبعات اللي بتترتب عليها
كثير متلهفات على الزواج من دون استعداد ، من دون تحديد هدف، من دون نية ، من دون فهم للحقوق والواجبات
كل فكرتها عن الزواج متعة وفسح وحب وكلام حلو وبس
وده غلط
مش ده الزواج نهائي
الحاجات دي بتمثل 10% من حياتك بعد الزواج
و ال 90% اللي باقيين مسؤولية وتفكير وتدبير وقوامة وعمل وجهد ومجاهدة وطاعة وخفض جناح ومشاركة في هم و و و و و
معاني عظيمة جدا وكبيرة جدا لو الأخت مش متحضرلها الحياة بتفشل
وبمنتهى الصراحة بقولها .. الحياة بتفشل والسبب الأساسي بيكون إنت نفسك
1- ابتداءا الزواج محتاج نية، واللي اكتشفته إن النية مش كفاية قبل الزواج بس
لكن بعديه ، وعلى طول الوقت
لازم وحتما تحددي انتي عايزة تتزوجي ليه وإلا والله هتدوقي الأمرين زي ما بيقولوا، لأن عدم وجود النية
لكن بعديه ، وعلى طول الوقت
لازم وحتما تحددي انتي عايزة تتزوجي ليه وإلا والله هتدوقي الأمرين زي ما بيقولوا، لأن عدم وجود النية
بيخلي الاختيار محل خطر عظيم، وبعدين بتصادمي بأخلاق سيئة والسبب سوء الاختيار من الأول
النية في الزواج مش الانتقال لحياة أفضل
ولا مستوى مادي أعلى أعيش فيه براحتي
ولا الناس بتتزوج لأن ده المفروض وعشان شكلي ميبقاش وحش
ولا هربا من كلام الناس
ولا هربا من البيئة السيئة اللي أنا فيها .. وأهو أي بيت غيره وخلاص
لازم تتزوجي لأسباب تانية خاااااالص صحيحة وعميقة .. لما بتبقى على نور فيها بتعرفي تختاري صح
والمحافظة على النية الصحيحة بعد الزواج بيكون مرحلة تانية
بتحميكي من فتن كتير جدا بتكرر تقريبا مع كل المتزوجين
والمحافظة على النية الصحيحة بعد الزواج بيكون مرحلة تانية
بتحميكي من فتن كتير جدا بتكرر تقريبا مع كل المتزوجين
2- النية الصحيحة في الزواج بيجيبها وجود الهدف ووضوحه، لما أنا أكون إنسانة عارفة أنا عايشة ليه ، وعشان أعمل ايه وأأدي ايه
هعرف إني لما هاجي أتزوج هتزوج ليه
وبالتالي لما أحرم من الزواج هعرف حرمت ليه
وبالتالي لما أحرم من الزواج هعرف حرمت ليه
3- لما اعرف ده هيترتب عليه برده إني أعرف أنا عايزة أتزوج مين؟
أي حد وخلاص المهم اعف نفسي، ولا عايزة واحد أتنغغ معاه بفلوسه
ولا عايزة واحد رومانسي يغرقني بالكلام ليل نهار
ولا عايزة طالب علم وشيخ بس عشان اتباها بيه قدام الناس
أي حد وخلاص المهم اعف نفسي، ولا عايزة واحد أتنغغ معاه بفلوسه
ولا عايزة واحد رومانسي يغرقني بالكلام ليل نهار
ولا عايزة طالب علم وشيخ بس عشان اتباها بيه قدام الناس
ولا عايزة رجل تقي نقي يعيني على الخير ويكون على قده زي مانا على قدي ويكون بيحب الله ورسوله ونفسه يخدم دينه فنسعى سوا ؟!
لازم اعرف انا عايزة مين؟ وعايزاه ليه؟
4- طب عرفت انا عايزة مين وليه وعايزة اتزوج ليه..
اصبر بقى لحد ما الاقيه
اصبر بقى لحد ما الاقيه
ماهو إيه علامة الصدق على كل اللي فات، إني أصبر على مبتغاي لحد ما ربنا ما يبلغني اياه
مش مع أي حد يتقدم اراجع نفسي واراجع حساباتي
ومش أقول أصل مستواه كويس ولا أصله شيخ معروف ومشهور ولا أصله كذا ولا كذا
ومش أقول أصل مستواه كويس ولا أصله شيخ معروف ومشهور ولا أصله كذا ولا كذا
لا أصبر واثبت ومتززعش وأصم أذني عن كل اللي حواليا
وألجأ إلى الله وأشكو إليه
وأقوله عندي هدف ثبتني عليه
وألجأ إلى الله وأشكو إليه
وأقوله عندي هدف ثبتني عليه
وصدقيني لو صدقتي هترزقي اللي بتتمنيه
واعرفي إن الزوج الصالح رزق .. والرزق يا حبيبتي أسهل سبيل ليه الدعاء
أكثري من الدعاء كثيرا جدا جدا ، ومتقوليش يارب ارزقني اللي بتمناه
لا .. قولي يارب ارزقني الزوج المناسب لي
لأن ممكن الصفات اللي بتتمنيها في زوجك متكونش هي اللي مناسبة ليكي
5- طب دعيت وانتظرت وصبرت وبرده مجاش الزوج اللي بتمناه
يبقى مش مقسوملك رزق في الزواج يا حبيبتي ..
يبقى ربنا عافاكي من شر كبير كنتي هتقعي فيه
وده مش كلام وخلاص أو مجرد تصبير فقط
ده واقع ..
الزواج فيه من الفتن ما يزعزع دين المرء إلا من يثبته الله
يبقى ربنا عافاكي من شر كبير كنتي هتقعي فيه
وده مش كلام وخلاص أو مجرد تصبير فقط
ده واقع ..
الزواج فيه من الفتن ما يزعزع دين المرء إلا من يثبته الله
كم أخت تزوجت وفتنت إما في قلبها فتعلقت بزوجها زيادة
أو في صحتها .. مرضت بعد الزواج بأمراض كثيرة
أو في وقتها .. وقتها كله اتسحب في البيت ومع الزوج فتركت حفظ القرآن أو العلم أو حتى صارت تجمع الصلوات
ناهيكي عن الابتلاءات في الزوج نفسه
ما هو طول مانتي متلهفة عالزواج كده مش هتحسني الاختيار فهتصابي في زواجك
وطول مانتي معندكيش نية هتبتلي في زواجك
يبقى لما الزواج يتأخر لحد ما تصلحي نيتك وتحددي هدفك
مش يبقى أحسن وأقوم ليكي .. ولا ايه؟
مش يبقى أحسن وأقوم ليكي .. ولا ايه؟
6- وسؤال واجهي بيه نفسك يا حبيبتي :
انتي نفسك تتزوجي قوي صح..طب انتي عارفة يعني ايه زواج أصلا
انتي نفسك تتزوجي قوي صح..طب انتي عارفة يعني ايه زواج أصلا
الزواج مش ضحك ولعب وجد حب، مش متعة فقط، مش حب فقط
مش حنان بقى ومشاعر وجو الأفلام ده
وده أنا بقولهولك بعد ما عشت تجرتبته
وده أنا بقولهولك بعد ما عشت تجرتبته
فعلا الزواج مش فيلم ولا مسلسل انتي بتتفرجي عليه
ده واقع جديد تماما انتي بتعيشيه
الزواج فيه مسؤولية عظيمة جدا جدا
انتي ربنا بيضعك في بيت إنتي مسؤولة فيه عن كل شيء
وهيسألك عن كل ده
وهيسألك عن كل ده
مسؤولة عن زوجك .. عن طيب مأكله وملبسه ومشربه
مسؤولة وهتتسألي عن سبل انفاقك لماله ، هتسألي عن عرضه
مسؤولة وهتتسألي عن سبل انفاقك لماله ، هتسألي عن عرضه
عن أولاده عن بيته كله على بعضه بتراعيه ازاي وبتحفظيه في غبته ازاي
من فتن الزواج انك ممكن تكوني عايزة شيء وزوجك يعوز شيء آخر وفرض عليك تطيعي زوجك .. فهل انتي جاهزة لده؟!
الزواج فيه إنك ممكن تتعرضي لضائقة مالية شديدة متعرفيش تنفقي زي ما تعودتي تنفقي .. فهل هتصبري على ده؟!
الزواج فيه إن زوجك يغضبك ويظلمك والمطلوب منك إنك انتي اللي ترضيه .. هل مستعدة لده؟!
الزواج فيه إنك دايما تكوني متزينة لزوجك لو اطلع منك على قبيح في الشكل أو الرائحة يبقى قصرتي .. هل انتي مستعدة انك تبقى باليقظة دي؟!
والزواج فيه إن الدنيا قد تفتح لك فتكوني على الدوام في اختبار البذل والتضحية بيها وهي في ايدك .. إنتي جاهزة تتعرضي لده؟! وده اختبار صعب جدا جدا
الزواج فيه إنك يبقى عندك أولاد تسألي قدام ربنا عن كل شيء اتعلموه .. صح كان أو خطأ .. يعني لو عندك خمس أولاد
هتسألي عن الخمسة قدام ربنا .. إنتي جاهزة لده؟!
جاهزة تتسألي عن نفسك وعن غيرك .. جاهزة تتحملي المسؤولية؟
ولا إنتي مش في دماغك المسؤولية دي أصلا وعايزة تفرحي وخلاص !!
ولا إنتي مش في دماغك المسؤولية دي أصلا وعايزة تفرحي وخلاص !!
الزواج اختبارت متتالية .. تقديم حق ربنا على حق الزوج ، وتقديم هوى الزوج على هوى النفس
الزواج اختبارتات متتالية في الايثار ، في الطاعة ، في الانفاق ، في حفظ الوقت وحسن استثماره ، في النية ..
وأشد اختباراته اختبارات الحقوق .. حقوق العباد
حاجات كتييييير جدا
وأشد اختباراته اختبارات الحقوق .. حقوق العباد
حاجات كتييييير جدا
إنتي أصلا مش قدها عشان كده ربنا رحمك
الحياة قبل الزواج شيء يا بنات وبعديه شيء آخر
الدنيا مهياش حلوة على طول .. ده مسؤولية
مسؤولية كبيرة .. فاللي يتأخر زواجها متفتكرش انها محرومة
بالعكس قد تكون في عافية وهي لا تدري
غلط انك تنظري للزواج إنه وسيلة لاشباع جسدي أو عاطفي ..
وإن الاشباع ده لما يتحقق الدنيا كلها هتتعدل وتحلو في عينك
تبقى غلطانة قوي قوي .. وللأسف بنات كتير لما بتتزوج بالمعنى ده
بتندم قوي بعد زواجها لأنها بتختار على أساسه فبتسيء الاختيار
أنا تعجبت من أخت وجدت أخت بعد الزواج بفترة
حزينة ومهمومة
حزينة ومهمومة
بتقولها إنتي حزينة قوي كده ليه إنتي لحقتي !!
وكأن مجرد إنها تزوجت ده معناه إن مفيش حزن أبدا !!
وكأن الزوج صك سعادة وهناء أبدي معاه مفيش هموم ولا فيه بلاء ولا فيه أي حاجة
فهم عجيب فعلا وخاطيء تماما !!
فهم عجيب فعلا وخاطيء تماما !!
تذكري وظيفتك
اعذريني حبيبتي إن كنت بشتد في الكلام، لكن ده لمصلحتك وخوفي عليكي
صعب إني ألاقي بنات كتير حياتها واقفة بسبب تأخر زواجها
والشكوى عامة من تأثير الأهل والناس
ارجعي بذهنك وافتكري وظيفتك الأساسية هي ايه عشان تشدي من أزر نفسك
عايزاكي تفكري لماذا خلقتِ؟ ايه الأصل اللي وجدتي من أجله
صعب إني ألاقي بنات كتير حياتها واقفة بسبب تأخر زواجها
والشكوى عامة من تأثير الأهل والناس
ارجعي بذهنك وافتكري وظيفتك الأساسية هي ايه عشان تشدي من أزر نفسك
عايزاكي تفكري لماذا خلقتِ؟ ايه الأصل اللي وجدتي من أجله
هل ربنا أوجدك عشان تحبي وتتحبي !! ولا عشان تتزوجي وتبقى أم !!
لا أنتي في الأصل خلقت لعبادة الله عز وجل على أي حال دنيوي كنتي
إنتي مطالبة بالعبادة والإعمار في الأرض سواء كنتي متزوجة أو غير متزوجة
لكن مش صح أبدا إن حياتك تقف عن كل شيء.. كل شيء لحد ما الزوج يجي
ده حتى فيه تقليل من قيمتك كمخلوقة وكإنسانة وكامرأة وأمة لله عز وجل
انتي أصلا وظيفتك الأصلية العبودية
والزواج وسيلة من وسائل تحقيق ده
جت بتشتغلي مجتش بتشتغلي برده
جت بتشتغلي مجتش بتشتغلي برده
والحياة مبتقفش ابدا
وبفضل الله أخوات كتير حوالينا مش متزوجات وربنا فاتح عليهم في العلم والعمل بشكل عجيب
وأحسب أنهن قد وجدن السعادة ..
العون من الله
العون من الله
فاثبتي ونفضي عنك وسوسة الشيطان اللي بيشغلك عن الموجود بالمفقود
وحذار حبيبتي من التسخط اللي ساكن قلبك ده .. متجلبيش غضب ربنا باحساسك بالظلم
سبحانه رحيم حكيم وليس بظلام أبدا
فمهما تأخر زواجك اياكِ والتسخط ، واوعي تفتكري إنك مجرد ما تتزوجي واحد متدين حالك الإيماني هيتصلح
حالك الإيماني يا حبيبتي هيتصلح بربك مش بزوجك.. بلجوئك لله واستغاثتك بيه مش بزواجك
كم من أخوات اشتكوا بعد الزواج من تضييع الصلوات بالذات صلاة الفجر
وكم من أخت بتشتكي من دنو همة زوجها وإنه لا يعينها على الخير وإنها كانت قبل الزواج أفضل بكتير
هذا نسمعه كثيرا جدا جدا
فاياكِ والتسخط الظاهر منه والخفي
لا تتسخطي على الله فأنت لا تعلمين ماذا دفع الله عنك بتأخير الزواج
في بنات بتتسخط تسخط ظاهر وبتعترض بالقلب واللسان ..
وفي بنات بتتكبر أو بتتكسف تعترض باللسان لكن هي متسخطة في قلبها فعلا وبتشوف إن ربنا ظلمها لأنه مزوجهاش
وبتقارن بينها وبين البنات اللي مش محترمة اللي ربنا زوجها ورزقها بيت وأسرة وأولاد
لدي ولدي بقول .. خليكي مؤدبة مع ربنا
لو كنتي من أهل الدين .. فتأدبي مع الرحمن اللي رحمك وأعطاكي الدين وحرم غيرك منه
إنتي معاكي المتعة وغيرك معاه المتاع
إنتي من أهل النعيم وغيرك من أهل الشقاء
أتسبدلين الذي هو أدني بالذي هو خير !!
لو إنتي ناوية تخلعي الحجاب عشان تتزوجي ، أو تتنازلي في مواصفات زوجك عشان تسكتي الألسن من حولك
فربنا بيقولهالك صريحة يا حبيبتي
ﭧﭐﭨﭐﱡﭐ ﲅ ﲆ ﲇ ﲈ ﲉ ﲊ ﲋ ﲌ ﲍﲎ ﲏ ﲐ ﲑ ﲒ ﲓ ﲔ ﲕ ﲖ ﲗ ﲘ ﲙ ﲚ ﲛ ﲜ ﱠ الشورى: ٢٠
وصدقيني ، مهما اتنازلتي ومهما فرطتي في دينك أو أهدافك
برده مش هتتزوجي إلا لما ربنا يأذن .. واعلمي أن ربنا لا يخاف عاقبة شيء سبحانه وتعالى
يعني انتي لما كل شوية تقولي هخلع الحجاب ، أو هقبل بأي حد
انتي بتهددي مين؟ الله جبار السموات والأرض
اعملي اللي تحبيه وبرده لن ترزقي إلا بمشيئته
أما إن كنتي من أهل الذنوب وبعيده عن ربنا ..فرزق الله لا ولن ينال إلا بطاعته
ابعدي عن المعاصي اللي انتي عارفاها كويس وقربي من ربنا هيحسن إليكي وهيكافئك
ربنا رحيم يا حبيباتي .. يرزق من يشاء بما يشاء متى شاء
"ولكنكم تستعجلون"
أرجو من الله إني أكون وفقت في قول ما يفيد
رغم إن الموضوع طويل ومازال عندي بقية للكلام
لكن مش عايزة أطيل أكتر من اللازم
وأي حد عنده أي مشكلة بهذا الشأن
ممكن يكتب تعليق وهرد عليه إن شاء الله
أو يسأل على آسك
أو من خلال المحادثة اللي في يمين المدونة
وممكن نفتح مناقشة في الموضوع وكلنا نفيد بعض
ربنا يرزقنا واياكم من فضله
وينفعني واياكم بما قلت
6 التعليقات:
جزاكي الله خير يا هبه
جميله قوي الجمله دي (حالك الإيماني يا حبيبتي هيتصلح بربك مش بزوجك.. بلجوئك لله واستغاثتك بيه مش بزواجك)
لكن بالنسبه للتنازل (تتنازلي في مواصفات زوجك عشان تسكتي الألسن من حولك)(أو هقبل بأي حد
انتي بتهددي مين؟)
مش الا بسب التعب والضعف من اللي حولينا يعني تعبت من المناقشه مع الاهل من اخر الاستسلام
لكن( وبالتالي لما أحرم من الزواج هعرف حرمت ليه)
طيب واللي مش عارف ييييييييييعمل ايه؟غير اني بقول وقت ما ربي يريد وكل رزق في وقته
لكن معرفش ليه؟
"مش الا بسب التعب والضعف من اللي حولينا يعني تعبت من المناقشه مع الاهل من اخر الاستسلام"
استعيني بالله يا سمسمة
استعيني بالله واشكي ليه
قوليله يارب أنا تبعت سكتهم بقى ، انت عارف أنا عايزة ايه
ولازم تبقي صادقة في نيتك في زواجك لأنك بصدقك ربنا هيثبتك
وهيخليكي وسط الفتنة ومس حاسة بيها ، بل ربما يعينك بأن يحول قلب أهلك
كان في اخت سنها وصل لـ 33 سنة وهي ملتزمة جدا جدا
فميناسبهاش أي حد فعلا
كنت بسألها بقولها طب ومامتك؟!
والله قالتلي : أمي في صفي .. بتقول مديش ريهام لأي حد
قولت ساعتها لعله بصدقها والله
اصدقي الله هيعينك ويسرلك
..
طيب واللي مش عارف ييييييييييعمل ايه؟غير اني بقول وقت ما ربي يريد وكل رزق في وقته
لكن معرفش ليه؟
لعل ربنا بيفرغك لحاجة تانية زي العمل في الدعوة
مش انتي عندك علم .. دينك محتاجة وانتي لسة مش متزوجة .. ابذليه مستنية ايه
أو لعل ربنا يطلع على ضعف بيكي فيعلم سبحانه إنك لسة مش قد تحمل مسؤولية
ممكن لو تزوجتي تبقى غافلة فزوجك يبقى بابك للنار .. مش "هو جنتك أو نارك"
أو لعله سبحانه يمهلك لحد ما تتربي على معاني ايمانية كتير هتحتاجيها لما تتزوجي
أو بيربي زوجك ويهيأه ليكي
كنت لسة بقول لأخت انهاردة
احنا يوم ما بنتكلم عن الزواج بنقول انه عبادة ولازم يكون لينا فيه نية عشان نؤجر
اللي اكتشفته بقى إن الزواج أساسه قائم على "عبادات قلبية"
الزواج كله كله أعمال قلوب
من أول ما بتعرفي ان فيه أخ متقدم لحد ما بتموتي
طول مانتي متزوجة شغالة اختبارات للقلب .. ومطلوب منك يقظة قلبية وأعمال قلب وبذل قلب
فلعلك لسة محتاجة تربية
أو حتى مش مقدر ليكي زواج خالص لحكمة يعلمها
كله خير
أهم حاجة يا سمسمة إني أشتغل في كل الحالات
جميل كلامك لنفسك .. استمري حبيبتي وعليكي بالدعااااااء أن يرزقك الله الخير والزوج المناسب لكِ
ومتقوليش كلمة محرومة
محدش عارف مين المحروم يا سمسمة
قولي أنا معافاه .. لعلك فعلا معافاه وأنتي لا تعلمين
أحبك في الله :)
احبك الله الذي احببتيني فيه وانا ايضا
ادخلتي السرور والراحه علي قلبي جزاكي الله خيرا
واتمني فعلا امي تقول الكلمه دي (مديش بنتي لاي حد) تبقي كقايه عليا والله
ياليتهم علمون ويفهموووووووووووووووووووووون
اسالك الدعاء لي بظهر الغيب
تذكريني
ماشاء الله كلامك صحيح فعلا
وانا من ضمن من تزوجن
ولم استطع تنظيم وقتي بعد ان كنت حريصة عليه اشد الحرص
والي الان بعد حملي زاد الامر اكثر فاكثر
ولا اعلم ماذا افعل
خصوصا ان زوجي لا يعيني علي طاعة الله
ولكنه حقيقة لايمنعني
وبما انك تزوجتي فاريد منك معرفة كيفية تنظيم وقتي وخصوصا بعد الحمل والولادة
وكيف انظمه مع التزامات الزواج والبيت
وكيف اطلب العلم مع كل ذلك
ولااتاثر بمن حولي ولاتتاثر همتي
لا تنسى ان تترك تعليقا..فبكلمة طيبة منك او نصيحة مهذبة قد تغير مسار حياة كاملة