جربت تكلم معاه؟
وقت الفرح ..وقت البلاء...وقت الفتن
جربت لما تحس من نفسك أمر بسوء...تشكي له نفسك؟
تستعين بيه؟
تقوله محتاجلك متسنبيش أضيع؟
تقوله هواي في حرام..فأنقذني
تقوله نفسي بتفتني فالحقني ومتسنبيش
بتقولي اعصيك بس أنا عايزةأطيعك..فثبتني وعيني
جربت وقت البلاء تكلمه وتقوله أنا مضايق مني
مضايق إني مش راضي
مضايق إني مش صابر
جربت وقت الفرح برده تكلمه
تشكره..تقوله شكرا إنك اديتني اللي كنت بحلم بيه
بس خايف يكون استدراج
جربت تكلمه كأنه معاك مش ضدك
وإن مفيش غيره خالص جنبك
جربت تكلمه كلام مفهوش طلبات
مفهوش سؤالات
مجرد شكوى..من نفسك...من ذنب...من دنيا....من فتنة...من بلاء
مجرد فضفضة...تكلم كل الكلام وأي كلام
فضفض مع ربك
0 التعليقات:
لا تنسى ان تترك تعليقا..فبكلمة طيبة منك او نصيحة مهذبة قد تغير مسار حياة كاملة