الإخوة في الله رحمة من الله للعبد
إنك لما نفسك تقسى عليك وتقفلها في وشك
تلاقي اللي بيحلي الدنيا في عينك ويبسطهالك
ولما الذنب يكسرك ويلوثك ويكسحك فمتقدرش تقوم من مكانك
تلاقي اللي في ظهرك عمال يزوقك
أو من إيديك عمال يشد فيك عشان تقوم وتكمل معاها
لمجرد إنه مش هاين عليه يسيبك ويمشي لوحده
ولما تتعرض لفتنة قوية
زي النهر الثائر كده أو البحر المظلم
تلاقي الإيد بتتمدلك من كل حتة عشان تتطلعك وتنقذك
وتساعدك ‘نك تسترجع قوتك وصحتك وعزمك
ولما تسقط من عين نفسك
ومتفتكرلهاش غير كل وحش والشيطان يحط قدامك كل سيء
تلاقي اللي فاكرلك حلوك ويذكرك بيه ويطيب خاطرك ويهون عليك
الإخوة في الله رحمة بجد
شد من الأزر
وعون في السير
وكسر للوحشة
عشان كده حِس قوي طلب نبي الله موسي
(واجعل لي وزيرا من أهلي* هارون أخي*اشدد به أزري*وأشركه في أمري)
واستشعر قوي منة الله عليه وهو يقول تعالى (ووهبنا له من رحمتنا أخاه هارون نبيا)
"من رحمتنا"
0 التعليقات:
لا تنسى ان تترك تعليقا..فبكلمة طيبة منك او نصيحة مهذبة قد تغير مسار حياة كاملة