عايز تتوب؟
نفسك تقرب من ربنا بس مش قادر؟
نفسك تغمض عينك تفتحها تلاقي ذنوبك كأنها لم تكن؟
نفسك يتمحي كل حاجة وحشة عملتها و تبدأ من جديد؟
تبدأ بجد بقوة و إرادة و إصرار و توصل فعلا؟
و تلاقي نتيجة؟
يبقى هنيئا لك..جاتلك الفرصة الحقيقة فاغتنمها
و مضيعهاش
رمضان على الأبواب..رمضان فرصتك
عصا سحرية في إيدك ممكن تحقق بيها كل أحلامك
والله كل أحلامك...إزاي؟
تعالى نشوف
من حكمة ربنا في خلقه أنه كما فاضل بين الناس و بعضهم فاضل كمان بين الأزمنة و بعضها
فجعل لبعض الأيام فضل على بعض
فمثلا جعل للأشهر الحرم فضل على غيرها، و للعشر من ذي حجة فضل على غيرها
و جعل رمضان أفضل الشهور كلها
والأوقات الفاضلة دي تسمى بمواسم الطاعات، لأنها تمر على العباد كل عام فتشملهم فيها رحمات الله و نفحاته و مغفرته و فضله
فيتعرض لها الناس بالعبادة و الإقبال لعلهم ينالون رحمة من رحمات الله فيها
في الطبراني من حديث محمد بن مسلمة مرفوعًا: "إن لله في أيام الدهر نفحات فتعرضوا لها، فلعل أحدكم أن تصيبه نفحة فلا يشقى بعدها أبدًا" (صحيح الجامع).
و المؤمنون على مر الأزمنة دايما كانوا بيستعدوا لهذه المواسم من قبل قدومها كتدريب لأنفسهم على الإجتهاد في المواسم دي
و من ذلك استعدادهم لرمضان من قبله بعدة شهور، لإحساسهم بالفضل العظيم اللي في الشهر ده و اللي جعله أفضل الشهور على الإطلاق
و إحنا عشان نسير على نهج المؤمنين لازم نستعد لرمضان من الآن عشان نحصل ثمرته بجد
و نستفيد فعلا من العرض الحصري اللي هو جي و مقدمه لينا
و عشان نستعد حق الإستعداد، لازم نعرف إحنا هنستعد لإيه أصلا؟ وليه؟
و لو تهاونت في الأمر و غفلت ايه اللي هخسره؟ و لو فعلت و اجتهد ايه اللي هجنيه؟
كل ده لازم أعرفه عشان احفز نفسي على الإستعداد لرمضان و نيل ثمرته
طيب تعالوا نعرف
احنا بنستعد لرمضان ليه؟
أولا: فضل رمضان كبير جدا، ما هو الشهر اللي أذن فيه الله أن ينزل كلامه إلى الأرض كوحي على النبي صلى الله عليه و سلم لهدايتنا
قال تعالى : { شهر رمضان الذي أنزل فيه القرآن هدىً للناس وبينات من الهدى والفرقان } ( البقرة 185)
و مش بس القرآن، ده نزل فيه كلام الله من الكتب السابقة كمان: عن واثلة بن الأسقع رضي الله عنه أن رسول الله صلى الله عليه وسلم قال: (
أنزلت صحف إبراهيم عليه السلام في أول ليلة من رمضان ، وأنزلت التوراة لست مضين من رمضان ، والإنجيل لثلاث عشرة خلت من رمضان ، وأنزل الفرقان لأربع وعشرين خلت من رمضان (رواه أحمد
يعني نفهم من كده إيه؟
نفهم من كده إن أفضل الطاعات اللي اتقرب بيها لربنا في رمضان كلامه عزوجل، تلاوة القرآن
لأن ربنا اختار الشهر ده لنزول القرآن فيه من دون باقي الشهور فأفضل ما يتقرب بيه إلى الله في رمضان القرآن
أقل شيء إنك تنوى ختمة كاملة في رمضان
و الختمة بــ 3 مليون حسنة ، و طبعا الله يضاعف لمن يشاء
يعني ممكن تعملك أكتر من كده في شهر واحد بس، و عشان تعمل ختمة كاملة يعني تقرأ كل يوم جزأ
تقسمه في اليوم 4 صفحات بعد كل صلاة
و ده طبعا أقل شيء لكن في ناس ممكن تختم مرة و اتنين و تلاثة
ثاني: سبب يخلينا نستعد و نجتهد في الاستعداد لرمضان
هو كون رمضان عرض حصري و فرصة ذهبية بجد
عرض بيقدمهولك ربنا عشان تقرب منه و تحسن قلبك و حالك
بل و حال دنيتك كمان،
فرص كتير هتقدر تحقق منها كل أحلامك ..بتسأل إزاي؟
أقولك:
1-
عمرك ما سألت نفسك ليه ربنا فرض علينا الصيام أصلا؟
مش بس عشان نحس بالفقير و الجائع و البلاد الفقيرة من المياه و كده
طبعا كلها أهداف من الصيام لكن فيه هدف أسمى و أعلى من كده،
ثمرة لو حققتها من صيامك هتنل بيها فعلا خير الدنيا و الآخرة
التقوى
قال تعالى :{ يا أيها الذين آمنوا كتب عليكم الصيام كما كتب على الذين من قبلكم لعلكم تتقون } (البقرة:183)
هو ده اللي ربنا بيريده منك.. ياللي نفسك تتوب بس مش قادر او نفسك مش بس تتوب نفسك تقفز قفزة ثقة تنقلك من هنا لهنا..
آدي رمضان جايلك و معاه التقوى..مش بس مجرد توبة..
يعني تدخله عاصي و تخرج منه تقي..فيه كده؟
إنت مش ملاحظ إنك في رمضان بتترك الأكل و الشرب لله اللي هو المفروض إنه مباح و حلال لمجرد إن ربنا حرمه عليك في الوقت ده
مش واخد بالك إنك عمرك متجرأت أبدا و كلت أو شربت في رمضان
و لو سمعت إن حد عمل كده ياااه بتحس إنها حاجة عظيمة قوي رغم إنك ممكن تكون في نفس اللحظة بتعمل معصية تانية أكبر جرما منها
لكن احنا اتعودنا على رمضان كده التوقف عن الأكل و الشرب في نهاره ده حاجة مفهاش فصال و كلام ..
لأنه أمر الله عزوجل
و هي دي التقوى أصلا
إنك تتقي حرمات الله إمتثالا لأمره، تتقي غضبه بطاعته... إنك تطيع الأمر لمجرد إنه أمر بيه و من غير ما تفكر أو تقول
" طب إقنعني"
رمضان بكل ما فيه مثل للتقوى اللي بنقول إنها مطلوبة في كل عملك
ربنا فرض عليك الصيام عشان تستشعر المعنى ده، معنى إنك تتقي شهواتك و المحرمات و غضب الله في إنك تتطيع أمره و تنتهي عن نهيه
و ده أول فرصة بيقدمهالك رمضان
يعلمك يعني تقوى و يخليك تعرف انها سهل تطبق على كل حاجة في حياتك زي ما هو سهل تطبقها على الكل و الشرب
2-
تاني عرض ربنا بيقدمهولك من خلال
package رمضان هو فرصة للتوبة و تكفير كل سيئاتك، اه والله كلها، فتخرج منه كأنك ولدت انهاردة
قال رسول الله صلى الله عليه وسلم:
( الصلوات الخمس ، والجمعة إلى الجمعة ، ورمضان إلى رمضان ، مكفرات لما بينهن إذا اجتنبت الكبائر ) رواه مسلم ،
وففي الصحيح أن النبي صلى الله عليه وسلم
قال : ( من صام رمضان إيمانا واحتسابا غُفِر له ما تقدم من ذنبه ) ،
وقال: ( من قام رمضان إيماناً واحتساباً غفر له ما تقدم من ذنبه ) ،
قال رسول الله صلى الله عليه وسلم:
( الصلوات الخمس ، والجمعة إلى الجمعة ، ورمضان إلى رمضان ، مكفرات لما بينهن إذا اجتنبت الكبائر ) رواه مسلم ،
وففي الصحيح أن النبي صلى الله عليه وسلم
قال : ( من صام رمضان إيمانا واحتسابا غُفِر له ما تقدم من ذنبه ) ،
وقال: ( من قام رمضان إيماناً واحتساباً غفر له ما تقدم من ذنبه ) ،
يعني فرصة مفيش بعد كده،
فرصة لمغفرة ذنوبك بعد رمضان لحد رمضان الجاي،
فرصة لمغفرة ذنوبك بعد رمضان لحد رمضان الجاي،
و فرصة لتكفير ما تقدم من ذنوبك من الصغائر
ياللي بتقول نفسك تتوب و تخلص من ذكريات ذنوبك..
أدي رمضان قدامك
ياللي بتقول نفسك تغمض عينك و تفتحها تلاقي صفحة حياتك فاضية من كل فعل سيء..
الله يوعدك بذلك
بيوعدك إنك لو صمت و قمت رمضان إيمانا و احتسابا سيغفر لك (ما تقدم من ذنبك)
يعني ترجع توب أبيض تاني..مفيش أي ذرة تراب مسته..
لكن إيه حكاية إيمانا و إحتسابا دي؟
لاحظ إن النبي وضعها شرط في الحديث، ..يعني إيه؟
يعني انك تصوم و تقوم رمضان و انت مؤمن بأنه ذلك امر لله و مؤمن بوعد الله ليكِ و بمجازاته ليك على طاعتك لأمره
و في نفس الوقت تحتسب أجر طاعتك عنده و تسأله لا يحرمك و إنك تتوجه بالطاعة دي ليه هو بس من غير قصد رياء و لا طلب ثناء و أجر من حد
هو ده إيمانا و احتسابا
3-
إيه كمان موجود في عرضنا الحصري، فرصة مفيش بعدها،
لأ مش بس فرصة، ده جوه الفرصة 30 فرصة للعتق من النيران
ففي حديث أبي هريرة رضي الله عنه : قال صلى الله عليه وسلم : ( وينادي مناد : يا باغي الخير أقبل ، ويا باغي الشر أقصر ، ولله عتقاء من النار وذلك كل ليلة ) رواه الترمذي .
كمان؟ يعني توبة ومغفرة و عتق من النار؟
و مش بس ليلة ولا اتنين لأ ده كل ليلة
يعني 30 فرصة كل ليلة لو فاتت عليا واحدة عندي التانية و لو فاتت التانية عندي الثالة
لحد 30 فرصة لعتق من النار
و خد بالك من كلمة "عتق"
كلمة عتق بتدل على وجود رق
يعني إنت رقيق عند النار، لها رق في رقبتك، و صيامك هو الذي يفكك منها أو لا...
يعني ليس الأصل أنك حر و قد تدخلك ذنوبك في رق النار
لا الأصل إنك في رقها فعلا و إما ان يعتقك الله أو لا يعتقك
4-
و عندك كمان فرصة جواها 30 فرصة تانية دي بقى بقول عليها عصا سحرية تحققق بيها كل احلامك،
و هي الدعاء
قال تعالى عقب آيات الصيام: { وإذا سألك عبادي عني فإني قريب أجيب دعوة الداع إذا دعان } ( البقرة:186) ،
وقال صلى الله عليه وسلم : ( ثلاثة لا ترد دعوتهم : الصائم حتى يفطر، والإمام العادل، ودعوة المظلوم ) رواه أحمد .
يعني مغفرة و عتق و كمان دعوة مستجابة
لأ دعوة ايه
دول 30 دعوة في 30 يوم تدعو فيها بما شئت
فتتحقق احلامك دينية و دنيوية
..لكن و هو إيه احلى من الجنة و رؤية الله فيها حلم؟
فاغتنم
5-
مش بس كده،
ده من كرم ربنا إنه مقدملكش الفرص دي كلها وخلى للشيطان نصيب فيها لأ
من رحمته إنه بعد عنك الشيطان خالص عشان تتمتع بجد،
فحبسهولك و كفاك شره عشان تعرف تغتنم الفرص دي كلها على أحسن ما يكون
ففي الحديث المتفق عليه أن النبي صلى الله عليه وسلم قال : ( إذا جاء رمضان فتحت أبواب الجنة ، وغلقت أبواب النار ، وصفدت الشياطين ) ، وفي لفظ ( وسلسلت الشياطين )
أي أنهم يجعلون في الأصفاد والسلاسل ، فلا يصلون في رمضان إلى ما كانوا يصلون إليه في غيره .
يعني مالكش حجة
انتهز فرصة إنشغال الشيطان بأسره و إجتهد و اتعب و ابذل.
.صل وادع وتصدق واصمت حتى لا تقع في غيبة ورتل القرآن اذكراللله وافعل الخير أينما وجدته..
و اغتنم فرصة تواجد كل هذه الرحمات في زمان واحد
6-
و زي ما قولنا ان رمضان تدريب عملي مجاني على معنى التقوى
هو كمان تدريب عملي مجاني على معنى الصبر،
و الصبر ملاك كل خير فعلا
بيه تقدر تعدي شهوات كتير قوي هي اللي مأخراك عن ربنا
و زي ما قيل الصوم نصف الصبر، و ربنا وعد الصابرون بإيه؟
قال تعالى : { إنما يوفى الصابرون أجرهم بغير حساب } ( الزمر:10). و يزيد من فرصتك في تعلم الصبر على الشهوات ان الناس كلها شغالة معاك،
فهتثبت نفسك اكتر على العبادة و تتشجع اكتر على التوبة و الصبر و الثبات عليها..
فاغتنم
7-
ووصلنا بقى لأفضل فرصة بيقدمهالك رمضان بجد، و هي ليلة القدر ، اللي ربنا جعل العمل فيها خير من ألف شهر،
فإوعى تحرم نفسك منها و من أول رمضان بل من قبله تدعي ربنا إنه يبلغك إياها و يوفقك فيها
فقال رسول الله صلى الله عليه وسلم : ( إن هذا الشهر قد حضركم، وفيه ليلة خير من ألف شهر، من حرمها فقد حرم الخير كله، ولا يحرم خيرها إلا محروم ) .
عارف يعني ايه ليلة القدر؟
يعني سحر ممكن يحول حياتك تماما في ليلة واحدة
مشاكلك كلها ممكن تنتهي في الليلة دي
هو ده مش حلم ناس كتير؟
إنه ينام و يصحى يلاقي مشاكله كلها اتحلت
ده في إسلامنا علم مش حلم، برمضان و بليلة القدر
ليلة واحدة تقومها إيمانا و احتسابا تجتهد فيها و لا تفرط في ثانية منها يبلغك الله بها أعلى الدرجات
اللي نفسه في توبة إن شاء الله يدوقها
و إللي نفسه في إخلاص و صدق إن شاء الله يبلغه
و إللي نفسه ان يكون في مقام الربانيين يبلغه
إللي نفسه يقرب و يجرب و يحس طعم الإيمان و يذوق حلاوته
هذه الليلة مفتاحك
آدي رمضان و آدي العرض بتاعنا إللي اتحدى أي حد إنه يلاقي زيه في أي دين أو أي ملة تانية غير الإسلام
أتحدى انك تلاقيه في أي شريعة أو أي دستور أو أي بلد
ده عرض رمضاني حصري
طيب أنا عشان أحصل على العرض ده أبدا منين و إزاي؟
أبدأ أول يوم رمضان ولا قبلها ولا إيه؟
زي ما قولنا إن عشان نفسي تقدر تجتهد في تحصيل العرض ده كله بإذن الله لازم أستعد من قبلها ببعض الإستعدادات
1 التعليقات:
جميل جزاكِ الله خيرا اختاه
إلى الأمام
لا تنسى ان تترك تعليقا..فبكلمة طيبة منك او نصيحة مهذبة قد تغير مسار حياة كاملة